Qazir kúnine 10 myń tonna munaı az shyǵyp jatyr - kompanııa

ASTANA. KAZINFORM – «Qazmunaıgaz» kompanııasynyń basqarma tóraǵasy Ashat Hasenov BAQ ókilderimen ótken baspasóz máslıhatynda Teńiz kenishindegi jóndeý jumystarynan Qazaqstan qansha munaıdan qaǵylyp jatqanyn aıtty.

«Dál qazir kesteden táýligine 10 myń tonna  keshigip jatyrmyz. Bizdiń túsinigimizde bul jylý almastyrǵyshtarmen baılanysty. Óndirispen baılanysy bar taǵy bir jyl almastyrǵysh tekserilip jatyr. Jýyq arada bular tolyq qýatyna shyǵady», - dedi Ashat Hasenov.

Aıtýynsha, bul aýytqýlar bıýdjetke keri áser etip jatqan joq.

«Teńizden jylyna jalpy 27 mln tonna munaı alý josparlanǵan desek, qazir ol kórsetkishten joǵary kele jatyrmyz. Sondyqtan bıýdjetke qandaı da bir shyǵyn kelip jatyr deýge kelmeıdi. Ekinshiden, jumys sapasynyń tómendigi týraly aıtqanyńyzǵa óndiriste ondaı bolyp turatynyn aıta alam. Biraq bul sonshalyqty shıeleniske ahýal deýge kelmeıdi. Óndiristiń azaıýy tutastaı beleń alǵan joq», - dedi QMG basshysy.