Qazir ıpoteka alý kerek pe — Ulttyq bank basshysynyń keńesi

ASTANA. KAZINFORM — QR Ulttyq bankiniń tóraǵasy Tımýr Súleımenov ıpotekanyń qazirgi sharttaryna qatysty pikir aıtty. 

— Osy jaıynda birneshe ret aıtqan edim. Ózimniń ómirlik tájirıbeme súıene otyryp, joǵary nesıe mólsherlemesi jaǵdaıynda ıpoteka alýǵa asyqpaý kerek. Sebebi, ústeme tólemdi eńserý qıynǵa túsedi. Máselen, naryq mólsherlemesi 10-12 paıyz bolǵan kezde, ıpoteka alýdyń aıyrmashylyǵy seziledi. Al 20-22 paıyz kezinde jaǵdaı múldem basqasha, — dedi Tımýr Súleımenov elordada ótken baspasóz máslıhatynda.

Onyń paıymynsha, paıyzdyq mólsherleme joǵary kezde turǵyndar ıpotekaǵa qatysty máseleni egjeı-tegjeıli oılanýy kerek.

— Bul turǵyda ár adam ózi sheshim qabyldaıtyny túsinikti. Degenmen, osyndaı sharttardy eskere otyryp, ıpoteka alýdy keıinge qaldyrar edim, — dedi UB basshysy.

Buǵan deıin habarlanǵandaı, Ulttyq bank bazalyq mólsherlemeni 18 paıyz deńgeıinde saqtady.