Qazir elimizdiń qaı óńirlerinde jol jabyq

ASTANA. KAZINFORM — Aýa raıynyń kúrt buzylýyna baılanysty Qazaqstannyń birqatar oblysynda kólik qozǵalysy shekteldi, dep habarlaıdy «QazAvtoJol» UK baspasóz qyzmeti.

Qyzylorda oblysy

26 qańtar saǵat 22:00–de aýa raıynyń buzylýyna baılanysty «RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1644-1806 shaqyrym aralyǵyndaǵy ýchaskesinde (Josaly aýdanynan Qyzylorda qalasyna deıin) kóliktiń barlyq túriniń qozǵalysyna shekteý qoıyldy. Joldy 2026 jylǵy 27 qańtar saǵat 08:00–de ashý josparlanǵan.

Qostanaı oblysy

26 qańtar saǵat 22:30–da aýa raıynyń buzylýyna baılanysty dızeldi jáne qoǵamdyq kólik túrleri úshin qozǵalysqa shekteý engiziledi.

— «Qostanaı — Áýlıekól — Surǵan» avtojolynyń 8-218 shaqyrymy aralyǵyndaǵy ýchaskesinde (Tobyl qalasynan — Oktıabrskoe aýyly); 

— «Astana — Atbasar — Jaqsy — Rýzaevka — Sarykól — Qostanaı (aınalma joly) — RF shekarasy (Qaıraq ótkizý pýnkti)» avtojolynyń 555-682 shaqyrym aralyǵy (Tobyl qalasynan — Sarykól aýylyna deıin);

— «Mamlıýtka — Qostanaı» avtojolynyń 250 — 403 shaqyrym aralyǵy (Tobyl qalasynan — Uzynkól aýyly); Joldy 2026 jylǵy 27 qańtar saǵat 10:00–de ashý josparlanǵan. 

26 kańtar saǵat 23:00–de Qostanaı oblysynda aýa raıynyń buzylýyna baılanysty «Jezqazǵan — Arqalyq — Petropavl» avtojolynyń 340-377 shaqyrym aralyǵy (Arqalyq qalasy — Aqmola oblysynyń shekarasy) dızel otynymen júretin jáne qoǵamdyq kólikterdiń qozǵalysyna shekteý qoıyldy. Joldy 2026 jylǵy 27 qańtar saǵat 10:00–de ashý josparlanǵan. 

Aqmola oblysy

26 qańtar saǵat 22:30–da aýa raıynyń buzylýyna baılanysty kelesi respýblıkalyq mańyzy bar avtojoldarda jolaýshylar tasymaldaıtyn reıstik avtobýstar men dızel otynymen júretin avtokólikterdiń qozǵalysyna shekteý engizildi:

— «Astana — Atbasar — Jaqsy — Rýzaevka — Sarykól — Qostanaı — RF shekarasy» avtojolynyń 856 — 917 shaqyrym aralyǵy (SQO shekarasynan Jaqsy kentine deıin);

— «Jezqazǵan — Arqalyq — Petropavl» avtojolynyń 377 — 595 shaqyrym aralyǵy (SQO shekarasynan Qostanaı oblysynyń shekarasyna deıin);

— «Qostanaı — Áýlıekól — Surǵan» avtojolynyń 232 — 260 shaqyrym aralyǵy (Qostanaı oblysynyń shekarasynan Surǵan kentine deıin);

— «Jaqsy — Esil — Buzylyq» avtojolynyń 0-82 shaqyrym aralyǵy (Jaqsy aýyly — Buzylyq aýyly). Joldy 2026 jylǵy 27 qańtar saǵat 10:00–de ashý josparlanǵan.

Soltústik Qazaqstan oblysy

26 kańtar saǵat 22:30–da aýa raıynyń buzylýyna baılanysty kelesi respýblıkalyq mańyzy bar avtojoldarda dızel otynymen júretin jáne qoǵamdyq kólikterdiń qozǵalysyna shekteý qoıyldy. 

— «Astana-Atbasar-Jaqsy-Rýzaevka-Sarykól-Qostanaı-RF shekarasy» avtojolynyń 834-856 shaqyrym aralyǵy (Aqmola oblysynyń shekarasy — Chıstopole aýyly); 

— «Jezqazǵan-Petropavl» avtojolynyń 595-625 shaqyrym aralyǵy (Aqmola oblysynyń shekarasy — Drýjba aýyly). Joldy 2026 jylǵy 27 qańtar saǵat 10:00–de ashý josparlanǵan.

Aıta keteıik, 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Buǵan deıin Shyǵys Qazaqstanda qar kóshkini túsiriletindikten jol jabylatynyn jazǵanbyz.