Qazir elimizde kartoptyń kelisi qanshadan satylyp jatyr

ASTANA. KAZINFORM — Premer-mınıstrdiń orynbasary — Ulttyq ekonomıka mınıstri Serik Jumanǵarın eldegi kartop baǵasyna qatysty túsinik berdi.

— Ótken apta boıy tek kartop pen sıyr eti máselesimen aınalystym. Eshteńe jabylǵan joq, shekara ashyq. 600 myń tonna kartopty esh kedergisiz sata alamyz. Fermerler tabys tabýy tıis. Sondyqtan ótken aptada sheshim qabyldadyq, jergilikti eksport 450 myń tonnaǵa jetken kezde ǵana ary qaraı oılanatyn bolamyz. Sertıfıkatqa baılanysty túsinbeýshilik bolǵan, bárin rettedik. Qazir kartoptyń baǵasy 130 teńge, — dep jaýap berdi Serik Jumanǵarın Prezıdenttiń Qazaqstan halqyna Joldaýynan keıin BAQ ókilderiniń saýalyna jaýap bere turyp.

Buǵan deıin habarlaǵanymyzdaı, búginde elimizde 900 myń tonnadan astam kartop jınaldy. 

Sondaı-aq Memleket basshysy Joldaý barysynda aýyl sharýashylyǵy salasyna aýqymdy qoldaý elimizde buryn-sońdy bolmaǵanyn tilge tıek etti. 

Odan bólek, Qasym-Jomart Toqaev qomaqty qarjy bólinip jatqanyna qaramastan, agrarlyq ǵylymnyń qaıtarymy áli de tómen ekenin synǵa aldy.