Qazposhtanyń jańa klıentteri úsh aılyq jazylymdy syıǵa alady
ASTANA. QazAqparat - «Qazposhta» AQ zeınetaqy men járdemaqy alatyn jańa klıentterine baǵyttalǵan «Qazposhtamen kóktem» atty aktsııasynyń bastalǵanyn habarlady.
Aktsııa barysynda aǵymdaǵy nemese kartochkalyq shot ashqan klıentter, tańdaýǵa berilgen tórt basylymdardyń bireýin, úsh aı boıy tegin alý múmkindigine ıe bolady. «Bul bizdiń osy baǵyttaǵy alǵashqy aktsııamyz. Qyzmetimizdiń erekshelikteri bolyp tabylatyn zeınetaqy men járdemaqy alýshylarǵa arnalǵan shotty ashý, aǵymdaǵy jáne kartochkalyq shottan qarajat alý qyzmeti tegin ekendigi, sonymen qatar zeınetaqy kartochkalarynyń qyzmet kórsetýiniń birinshi jyly da tegin ekendigi eshkimge de qupııa emes. Ókinishke oraı, kóptegen klıentter bul týraly bilmeıdi. Áleýmettik baǵytty qoldaı otyryp, kompanııa sondaı-aq mindetti sanattaǵy azamattarǵa zeınetaqy men járdemaqyny úılerine jetkizip beredi», - dedi «Qazposhta» AQ-nyń baspasóz qyzmetiniń jetekshisi Baıram Azızov. Tańdaýǵa «Dom, sad, ogorod», «Moıa prekrasnaıa dacha», «Aıqyn» jáne «Lıter» gazetiniń etjeńdi sandary usynylyp otyr. «Qazposhta» AQ sondaı-aq merzimdi basylymdarǵa jazylýdyń jańa zamanaýı formatyn engizdi. Bul servıs arqyly kez kelgen oqyrman onyń katalogyndaǵy toǵyz myńnan astam otandyq jáne sheteldik basylymdarǵa jazyla alady. www.postmarket.kz saıtynda merzimdik basylymdarǵa jazylý múmkindigine jol ashyq.
