Qazposhtanyń jumysynan myńdaǵan kemshilik anyqtaldy — Bas prokýratýra
ASTANA. KAZINFORM — Bas prokýratýranyń quqyqtyq statıstıka jáne arnaıy esepke alý komıteti «Qazposhta» AQ jumysynyń Ákimshilik rásimdik-protsestik kodeks talaptaryna qanshalyqty saı ekenin tekserdi.
Tekserý barysynda joldanymdardy tirkemeýdiń 10 myńnan astam faktisi, 2 myńǵa jýyq memlekettik quqyqtyq statıstıkany burmalaý, joldanymdy ýaqtyly tirkemeýdiń 249 faktisi, ótinishti qaraý merzimin buzýdyń 94 faktisi jáne ózge de kemshilikter anyqtaldy.
Budan basqa, «Qazposhta» AQ paıdalanatyn elektrondy qujat aınalymy júıesin qujattaý, paıdalaný tártibin retteıtin quqyqtyq aktiler Ákimshilik rásimdik-protsestik kodeks talaptaryna sáıkes kelmegeni anyqtaldy.
Tekserý nátıjeleri boıynsha komıtet jáne onyń aýmaqtyq organdary zań buzylýyn joıý týraly 21 usynym engizdi, 20 ákimshilik is qozǵaldy.
Qadaǵalaý aktileriniń qaralý nátıjesinde 48 qyzmetker tártiptik jaýapkershilikke jáne 20-sy ákimshilik jaýapqa tartyldy.
Sonymen qatar, quqyq qorǵaý organdaryna habarlanbaǵan bótenniń múlkin urlaý, sondaı-aq alaıaqtyq faktileri anyqtaldy, osylaısha atalǵan qylmystar esepke alynbaı, olar boıynsha protsestik sheshim qabyldanbaǵan.
Osy rette komıtettiń bastamasy boıynsha «Qazposhta» AQ fılıaldary arqyly jiberilgen sálemdemelerdi urlaýdyń 3 faktisi, sondaı-aq kommýnaldyq qyzmetterdi tóleý úshin qabyldanǵan aqshalaı qarajatty urlaý deregi tirkeldi.
