Qazposhta júıesi arqyly elekrondyq saýdany damytý kerek - Úkimet basshysy
ALMATY. Qazannyń 8-i. QazAqparat /Erlik Erjanuly/ - Qazaqstan Úkimeti "Qazposhta" AQ-nyń aldyna Qazaqstanyń álemdik aqparat keńistigine yqpaldasýy týraly mańyzdy strategııalyq mindet júktep otyr.
Bul jaıly Premer-Mınıstr Kárim Másimovtiń búgin Almaty poshtamtynyń 150 jyldyq mereıtoıynda poshta qyzmetkerlerin kásibı merekemen quttyqtaǵan hatynda aıtyldy.
Ony "Qazposhta" AQ Basqarma tóraǵasynyń mindetin atqarýshy Salaýat Qalymǵazyuly Sherııazdan oqyp berdi. Bul hatta Premer-Mınıstr Qazposhta júıesi arqyly elektrondyq saýdany damytýdyń qajettigin erekshe atap ótedi.
"Bul úshin árbir poshta baılanysy bólimshesi jelisiniń ǵalamtorǵa qoljetimdiligin qamtamasyz etý kerek. Qazposhta - bul biregeı jelilik qural. Bizdiń ol arqyly árbir azamatqa qol jetkizýge múmkindigimiz bar. Sol sebepti respýblıka turǵyndary memlekettik basqarýshy uıymdarymen kóbinese osy uıym arqyly áreket jasaıdy. Sondyqtan servıs deńgeıin odan ary jaqsartyp, usynylatyn qyzmet kólemin ulǵaıtý qajet. Bul óz kezeginde poshtalyq jınaqtaý júıesin damytyp, "Qazposhta" AQ-nyń biregeı logıstıkalyq operator retindegi ustanymyn nyǵaıtýdy qamtamasyz etedi", deıdi Kárim Qajymuhanuly bul hatynda.
