Qazposhta joǵalǵan sálemdemelerdi arzan baǵaǵa satyp jatqany ras pa
ASTANA. KAZINFORM - Áleýmettik jelilerde Qazposhta joǵalǵan sálemdemelerdi tómen baǵaǵa satady degen jalǵan habarlamalar tarap jatyr.
Osy aqparatqa qatysty Qazposhta AQ málimdeme jasady.
- Bul aqparat shyndyqqa sáıkes kelmeıtinin habarlaımyz. Mundaı usynystarǵa senbeńizder jáne jeke derekterińizdi eshkimge aıtpańyz, - dep jazylǵan málimdemede.
Aıta ketý kerek, Qazposhta mekenjaıy durys kórsetilmegen sálemdemeni jiberýshige keri qaıtarady.
- Eger osyndaı habarlamalardy kórseńiz nemese kúmándi siltemelermen betpe-bet kelseńiz, dereý bizdiń resmı baılanys ortalyǵymyzǵa habarlasyńyz: 1499.
Sizdiń qaýipsizdigińiz biz úshin mańyzdy! - dep eskertti ulttyq kompanııadan.
Bqǵan deıin aýyldyq jerlerdegi «Qazposhta» bólimsheleri memlekettik qyzmetter kórsetýi múmkin ekenin jazǵanbyz.