Qazposhta jeti aıda 1 mlrd teńge tabys tapqan
«Qazposhta qarjylyq jaǵynan da, poshta qyzmetterin kórsetý sapasyn jaqsartý jaǵynan da belsendi jumys atqaryp jatyr. Búginde barlyq «Esikten esikke» kýrerlik jóneltimderdiń 90 paıyzy 36 saǵat ishinde jetkizilip otyr. Ótken jyldyń kórsetkishterimen salystyrǵanda bul kórsetkish ósip keledi. Jol boıyndaǵy barlyq poshta jóneltilimderiniń jaı-kúıin baqylaý úshin onlaın monıtorıng júıesi engizildi. Sonymen qatar Qazposhta dástúrli túrde elektrondyq kommertsııa men tsıfrlandyrýdy damytýǵa erekshe kóńil bóledi», – dedi «Qazposhta» AQ Basqarma tóraǵasy Ásel Janasova.
2023 jyldyń 7 aıynyń qorytyndysynda «Qazposhta» AQ 1 mlrd teńge mólsherinde taza tabys aldy. Bul kórsetkishke poshta jáne qarjy qyzmetteri, esep aıyrysý-kassalyq operatsııalar, sondaı-aq qoldanystaǵy shyǵystardy ońtaılandyrý sharalary esebinen kiristerdiń ósýi nátıjesinde qol jetkizildi. Sonymen qatar poshta baılanysynyń 200 aýyldyq bólimshelerinde qoljetimdi memlekettik qyzmetterdiń tizbesi keńeıtilýde.
«Qazposhtanyń úlken áleýmettik júktemesi bar. Elimizdiń barlyq shalǵaı óńirin óz qyzmetterimen qamtamasyz etedi. Kompanııa qyzmet kórsetiletin poshta jóneltilimderiniń kólemin jáne sonyń esebinen kirisin kóterýde. Sonymen qatar tarıftik saıasatty qaıta qaraý boıynsha úlken jumys júrgizilýde. Biz bul protsestiń uzaq ýaqytty alatynyn túsinemiz. Aktsıoner tarapynan jedel qoldaý sharalarynyń biri - toptyń qazynashylyq operatsııalarynyń bir bóligin poshta operatorynyń shottaryna aýdarý. Bul shara Qazpochtaǵa qarjylyq jáne áleýmettik turaqtylyqty saqtaýǵa, al qorǵa topishilik sınergııany odan ári damytýǵa múmkindik beredi», - dedi «Qazposhta» AQ Dırektorlar keńesiniń múshesi, «Samuryq-Qazyna» UÁQ» AQ ekonomıka jáne qarjy jónindegi teń-basqarýshy dırektory Mırat Ýtepov.
