«Qazposhta» Jeńistiń 70 jyldyǵyna arnalǵan markalardy qoldanysqa engizdi sh

ASTANA. QazAqparat - «Qazposhta» AQ Jeńistiń 70 jyldyǵyna arnalǵan úsh markadan turatyn poshtalyq bloktyń qoldanysqa engenin habarlady. «Estelik jáne mereıtoılyq datalar» serııasyndaǵy árbir markanyń quny 200 tenge.

Markalarda Raqymjan Qoshqarbaev (Halyq Qaharmany), Mánshúk Mámetova (Keńes Odaǵynyń Batyry), Ivan Panfılov (Keńes Odaǵynyń Batyry) beınelengen.

«Markalardy shyǵarý - Uly Otan soǵysyna qatysqan Qazaqstandyq ardagerlerdiń umytylmas erligin estelik retinde saqtaýǵa qosqan úlesimiz. Poshta - soǵys kezinde de, qazirgi tańda da bizdiń senimdi serigimiz» - dedi, «Kazpochta» AQ Dırektorlar Keńesiniń Tóraǵasy Elena Bahmýtova.

Marqa ofsettik tásilmen 4 túrli boıaýmen oryndalǵan, blok ólshemi 78 h 108 mm, markalardyń ólshemi 26 h 36 mm. Taralymy 15 myń dana. Dızaın jasaǵan sýretshi Qýat Ibraıshın.

Úsh markadan turatyn poshtalyq blogty iske qosýdyń saltanatty rásimi 6 mamyr kúni Astana qalasynda, Qazaqstan Respýblıkasy Parlamenti Májilisiniń depýtattary: Aısına Maıra Arapovna, Ferho Svetlana Ivanovna ı Berdongarov Tanırbergen Maratovıch, sondaı-aq Uly Otan soǵys ardagerleriniń qatysýymen ótti.