«Qazposhta» jáne ıÝnıstrım júıesi birlesip aqsha aýdarymdary qyzmetin iske qosty
ASTANA. QazAqparat - «Qazposhta» AQ jáne ıÝNISTRIM júıesi birlesip aqsha aýdarymdar qyzmetin iske qosty, dep habarlaıdy AQ-nyń baspasóz qyzmetinen.
ıÝnıstrım júıesiniń jedel aqsha aýdarymdary «Qazposhta» AQ-nyń Qazaqstan boıynsha 2000-nan astam bólimshelerinde qoljetimdi. Jańa qyzmettiń iske qosylýy klıentterge ónim jelisin keńeıtip, esepshot ashpaı-aq sapaly jedel aqsha aýdarymdary qyzmetin usynady. Adressiz aqsha aýdarymdary qyzmeti jiberýshige aqshany aýdarý kezinde memleketti ǵana kórsetip, alýshyǵa sol memlekettiń kez-kelgen ıÝnıstrım qyzmet kórsetý pýnktinde aqshany qabyldaýǵa múmkindik beredi. «Biz ózara yntymaqtastyqqa ashyqpyz. Qyzmetterimizdiń tizimin jańartyp jáne tolyqtyra otyryp aýyl turǵyndaryn da kerekti qyzmettermen qamtýǵa nıettimiz. ıÝnıstrımmen birge yntymaqtastyǵymyzdyń arqasynda, jedel aqsha aýdarymdary qyzmeti aýyldar men aýdan ortalyqtary turǵyndaryna da odan ári qolaıly bolady» - dedi «Qazposhta» AQ basqarma tóraǵasynyń orynbasary Azat Mashabaev. Aqsha aýdarymdary úshin komıssııa - 2%. Bul qyzmet klıentterge yńǵaıly servıs usynady - sheteldik valıýtamen aýdarylǵan aqshany teńgemen qabyldap, sonymen qatar AQSh dollarymen, evro nemese reseılik rýblmen jiberýge múmkindik beredi. ıÝnıstrım júıesi boıynsha aqshany álemniń 100-den astam TMD, Eýropa, Azııa jáne t.b. memleketterge jiberýge bolady. Búkil álemde onyń 300 000-nan astam qyzmet kórsetý pýnktteri bar.
