«Qazposhta» sálem-saýqattardy qabyldaý kezindegi toltyrý tıis blankterden aryldy
ASTANA. QazAqparat - «Qazposhta» AQ klınetterge qyzmet kórsetý ýaqytyn aıtarlyqtaı qysqartty. Kompanııa jeke tulǵalardan sálem-saýqatty qabyldaý kezinde qaǵaz blankterin (116 úlgi) qoldanýdan bas tartqany týraly habarlady.
Endi kompanııanyń klıentine blankterdi ózi toltyrý qajet emes - ol operatorǵa óziniń jeke kýáligin usynyp, baılanysý úshin telefon nómirin aıtsa jetkilikti. Sondaı-aq, baǵdarlamaǵa aqparatty engizý sálem-saýqattaǵy jazylǵan mekenjaı málimetterimen iske asyrylady.
Osylaısha, tirkeletin poshtalyq jóneltilimderin qabyldaý jiberýshiniń jeke kýáli arqyly («Poshtalyq qyzmet kórsetý erejeleri», 59-bap) ǵana iske asyrylady. «Atalǵan talap poshtalyq jóneltilimderde tyıym salynǵan zattardy (sıntetıkalyq esirtki jáne olarǵa uqsastary) jóneltýdi boldyrmaý maqsatymen ótikizilip otyrǵan sharalardy kúsheıtý úshin mindetti. Sondaı-aq, bul talap kompanııaǵa klıentke qyzmet kórsetý ýaqytyn aıtarlyqtaı qysqartýǵa múmkindik beredi. Poshta baılanysy bólimshelerinde qyzmetine qaıta júginý kezinde jiberýshige túrli blankterdi toltyrý qajet etilmeıdi, óıtkeni bazasynda klıenttiń jeke basyn kýálandyratyn barlyq málimetteri bar operator oǵan súıenip, jańadan jasaı alady», - dep berdi túsiniktemesin «Qazposhta» AQ baspasóz qyzmetiniń basshysy Baıram Ázızov.
