Qazposhta maýsymda Serbııamen, Kıprmen jáne Lıvanmen poshta baılanysyn qalpyna keltirdi
NUR-SULTAN. QazAqparat - Qazposhta bıylǵy maýsym aıynda Beırýtpen, Larnakamen jáne Belgradpen halyqaralyq poshta baılanysyn qaıta qalpyna keltirdi, dep habarlaıdy QazAqparat «Qazposhta» AQ baspasóz qyzmetine silteme jasap.
Búginde Ulttyq poshta operatory 105 memleketpen áýe joldarymen, 35 elmen jer ústi kólikteri arqyly poshta jóneltilimderimen almasady. Halyqaralyq poshta baılanysyn áýe joldary arqyly qalpyna keltirý arqasynda sálemdemelerdiń bir elden ekinshisine jetkizý merzimi qysqarady.
Ótken jyly kóptegen elderde pandemııaǵa baılanysty shekteýler engizilip, bul óz kezeginde halyqaralyq sálemdemelerdi jetkizý merzimine áser etkeni belgili. Qazposhta áýe joldarynan basqa logıstıkalyq sheshimderdi qabyldaý arqyly poshta baılanysyn júzege asyrýǵa májbúr boldy. Onyń ishinde qurlyq shekarasy bar memlekettermen avtokólik jáne temirjol arqyly poshta baılanysy ornatylǵan bolatyn.Qazirgi tańda Qazposhta 140 memleketpen halyqaralyq poshta baılanysyn júzege asyrady.
Ázirge karantındik sharalarǵa baılanysty Qazaqstannan Qytaıǵa, Mońǵolııaǵa, Lıvııaǵa, Sırııaǵa, Bolıvııaǵa, Iemenge jáne Jańa Gvıneıaǵa halyqaralyq poshta jóneltilimderi áli de ýaqytsha qabyldanbaıdy.
