Qazposhta qyzmetkerleriniń jalaqysyna qatysty túsinikteme berdi
«Búgin «Qazposhta»AQ fılıaly ǵımaratynyń aldyna bir top qyzmetker jınalyp, jalaqyny kóterýdi talap etti. Olarmen Almaty poshtamatynyń dırektory Altyn Sadyqova kezdesti. Qyzmetkerlerdiń talaptaryn talqylaý úshin Almatyǵa aktsıonerlik qoǵamnyń basqarma tóraǵasy Serik Saýdabaev ushyp ketti. «Qazposhta» AQ keıbir telegram-kanaldarda jarııalanǵan jalaqy mólsheri týraly aqparattyń shyndyqqa janaspaıtynyn habarlaıdy. 40 myń teńge mólsherindegi aılyqty 4 poshtashy ǵana alady. Olar 0.3 stavkamen jumys isteıdi, ıaǵnı jumys kúnderi tolyq emes. 0,3 stavkanyń jumys ýaqyty aıyna 24 saǵat qana. Al tolyq stavkanyń aılyq ýaqyt normatıvi - 176 saǵat», - dep jazylǵan málimette. Onyń málimeti boıynsha, qazirgi tańda «Qazposhta» AQ jumys kóleminiń azaıýyna baılanysty tolyq emes stavkamen eńbek etýde.
«Kompanııa óz qyzmetkerlerimen Ashyq dıalog júrgizýge daıyn jáne jaǵdaıdy retteý úshin barlyq sharalardy qabyldaıdy», - dep jazylǵan «Qazposhta» AQ usynǵan aqparatta.
