«Qazposhta» qyzmetkerleriniń jalaqysy 10 paıyzǵa ósedi
ASTANA. QazAqparat - «Qazposhta» AQ qyzmetkerleriniń jalaqy mólsheri sáýir aıynda 10 paıyzǵa ósedi. Bul týraly búgin kompanııanyń esep berý kezdesýinde aktsıonerlik qoǵamnyń basqarma tóraǵasy Ashat Beısenbaev málim etti.
«QR Prezıdenti N.Nazarbaev Úkimettiń keńeıtilgen otyrysynda óndiristegi qyzmetkerlerdiń jalaqylaryn 10 paıyzǵa ósirý jóninde tapsyrma bergen edi. Osy ózgertýlerdi engizý úshin bizge qarjylyq nátıjelerdi eskere otyryp, kompanııa bıýdjetin, strategııalyq josparyn ózgertý kerek bolady. Ózderińiz biletindeı, 1 qańtardan bastap kompanııada jalaqy kólemi 7 paıyzǵa arttyryldy. Oǵan qosymsha 1 sáýirden bastap, taǵy 10 paıyzǵa joǵarylatýdy kózdep otyrmyz. Osyǵan oraı, 15 naýryzda mekemeniń ishki qujattary qaıta qaralady», - dedi A.Beısenbaev.
Basqarma tóraǵasynyń aıtýynsha, kompanııa ótken jyldy óte sátti ótkizdi. Aldyńǵy jyldarmen salystyrǵanda, jalpy tabys kólemi 14 paıyzǵa ósip, 30,8 mlrd. teńgeni quraǵan.
Aıta keteıik, «Qazposhta» kompanııasynda 22 myńnan astam qyzmetker jumys isteıdi.
