«Qazposhta» qyzmetkerleri zeınetaqy men múgedekterdiń járdemaqysyn jymqyrǵan
Qylystyq júıeni Qazaqstan Respýblıkasy Qarjylyq monıtorıng agenttiginiń Qaraǵandy oblysy boıynsha aýmaqtyq departamenti «Qamqor» jedel aldyn alý is-sharasy aıasynda anyqtaǵan.
Departamenttiń baspasóz qyzmetiniń habarlaýynsha, «Qazposhta» fılıalynyń qatysýymen 5 jyl boıy qarttar úıiniń qyzmetkerleri zeınetkerler men múgedekterge arnalǵan járdemaqy men zeınetaqyny ózderine ıelegen.
Bıylǵy jyldyń 18 qańtar kúni páterlerdiń birinde jedel-izdestirý is-sharasynyń nátıjesinde qylmyskerler 1,3 mln teńge kólemindegi urlanǵan qarajatty ózara bólisý kezinde, qylmys ústinde ustaldy.
Іs júzinde bul aqsha bıylǵy jyldyń qańtar aıynda 25 zeınetker men múgedekke tólenetin áleýmettik tólemderge arnalǵan.
«Atalǵan fakti boıynsha Qylmystyq kodekstiń 190-baby 3-bóligi 3-tarmaǵymen qylmystyq is qozǵalyp, sotqa deıingi tergeý amaldary júrgizilýde»,-delingen QR QMA baspasóz qyzmeti taratqan aqparatta.