Qazposhta Qytaıdan keletin taýarlardy ýaqtyly jetkizý úshin ne istep jatyr

ASTANA. QazAqparat - QR Premer-Mınıstri Álıhan Smaıylovtyń tóraǵalyǵymen ótken keńeste «Qazposhta» AQ qyzmetiniń ózekti máseleleri qaraldy, dep habarlaıdyprimeminister.kz.

Kompanııa basshysy Ásel Janasova atqarylyp jatqan jumys, aǵymdaǵy kórsetkishter men halyqqa qyzmet kórsetýdiń turaqtylyǵyn qamtamasyz etý sharalaryn baıandady.

Sonymen qatar keńeske qatysýshylar ulttyq poshta operatoryn qoldaý jáne odan ári damytý boıynsha usynystardy qarady.

Budan basqa, Qazaqstan-Qytaı shekarasyndaǵy «Nur joly» ótkizý beketi arqyly júk kólikteriniń, onyń ishinde «Qazposhta» jelisi boıynsha ótýine kedergilerdi joıý jónindegi tapsyrmalardyń oryndalý barysy talqylandy.

Premer-Mınıstrge búgingi tańda rásimdeýden ótetin kólik sany táýligine Qazaqstannan QHR-ǵa - eki esege jýyq, QHR-dan Qazaqstanǵa - 40% artqany baıandaldy.

Bul rette Álıhan Smaıylov qysqa merzimde odan da joǵary nátıjege qol jetkizý úshin ákimshilik protsesterdi jedeldetýdi talap etti.