«Qazposhta» Qyzylorda oblystyq fılıalynyń dırektory taǵaıyndaldy

QYZYLORDA. KAZINFORM - «Qazposhta» aktsıonerlik qoǵamy tóraǵasynyń buıryǵymen «Qazposhta» Qyzylorda oblystyq fılıalynyń dırektory bolyp Aızat Іztileýova taǵaıyndaldy. Bul týraly oblys ákimdiginiń baspasóz qyzmeti habarlady.

Aızat Іztileýova 1972 jyly Qyzylorda qalasynda dúnıege kelgen. Qazaq memlekettik basqarý akademııasynda ekonomıst mamandyǵy boıynsha bilim alǵan. Eńbek jolyn 1995 jyly jylý-elektr ortalyǵynda býhgalter retinde bastaǵan. 

Ár jyldary jeke seriktestikterde, «Qazposhta», «Turǵyn úı qurylys jınaq banki» aktsıonerlik qoǵamdarynda jaýapty qyzmetter atqarǵan.

2018 jyldan osy kúnge deıin «Qazposhta» AQ Qyzylorda oblystyq fılıaly dırektorynyń orynbasary qyzmetinde bolǵan.

Buǵan deıin «Qazposhta» fılıalyn basqarǵan Ǵalymjan Kenjebaev Ulytaý oblysyna dál osy qyzmetke aýysty.

Buǵan deıin biz Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń basshysy bolyp Erkebaı Ǵalymjan Baqtyǵalıuly taǵaıyndalǵanyn jazǵanbyz.