«Qazposhta» kelesi jyly Qazaqstanda elektrondy poshta markalaryn aınalymǵa engizýdi josparlaýda
ASTANA. 5 jeltoqsan. QazAqparat /Jasulan Amanbaıuly/ - «Qazposhta» kelesi jyly Qazaqstanda elektrondy poshta markalaryn aınalymǵa engizýdi josparlap otyr. Bul týraly búgin tilshilerge «Qazposhta» AQ basqarma tóraǵasy Arken Arystanov málim etti.
«Biz tek qana fılatelısttik markalardy ǵana emes, elektrondy markalardy da shyǵarý baǵytynda jumys jasaýdamyz. Poshta markalary tóleý quraly bolǵandyqtan, olarǵa suranys óte joǵary», - deıdi kompanııa basshysy.
Onyń aıtýynsha, kelesi jyldan bastap shyǵatyn elektrondy markalarǵa adamdar óz sýretterin basyp shyǵara alatyn qyzmetke de qol jetkizýi múmkin.
«Alǵashqy tutynýshylar elektrondy poshta markalaryna ózderiniń logotıpterin engizý quqyǵyna ıe bolyp qalýy da ǵajap emes. Álemde klıentterdiń ataýly markalaryn basyp shyǵarý tájirıbesi bar. ıAǵnı markaǵa adamdardyń fotosýreti nemese kompanııa logotıpteri engizilip, shekteýli taralymmen aınalymǵa shyǵarý múmkindigi qarastyrylǵan», - deıdi A. Arystanov.
Sonymen qatar «Qazposhta» kompanııasy jaqyn arada qazaqstandyqtarǵa fılatelıstik markalardy ınternet arqyly satyp alý qyzmetin usynbaqshy.
«Qazirgi ýaqytta bizdiń kompanııa jańa qyzmetterdi engizý ústinde. Sonyń biri - ınternet arqyly poshta markalaryn satyp alý múmkindigi. Biz poshta bıznesine zamanaýı ınnovatsııalyq jobalardy iske asyrýǵa qulyqtymyz», - dep túıindedi A. Arystanov.
