Qazposhta «KazCard» tólem kartalaryn shyǵarýǵa sertıfıkat aldy
ALMATY. Jeltoqsannyń 28-i. QazAqparat /Erbol Azanbek/ - «Qazposhta» AQ-y halyqaralyq «Visa» tólem júıesiniń SEMEA (Ortalyq Evropa, Taıaý Shyǵys, Azııa) aımaqtyq basqarýshy komıtetinen 50 myń «KazCard» tólem kartalaryn shyǵarýǵa sertıfıkat aldy,
dep habarlaıdy QazAqparat «Qazposhta» AQ baspasóz qyzmetine silteme jasap.
Sertıfıkat Qazaqstannyń ulttyq poshta operatoryna «KazCard» tólem kartalaryn shyǵarýǵa múmkindik beredi.
«KazCard» tólem kartalary jaqyn arada bizdiń tutynýshylarymyzdyń qolyndaǵy turaqty tólem quralyna aınalatynyna senimdimiz. Óıtkeni biz arqyly salyq, kommýnaldyq jáne basqa da tólemderdi jasaıtyndar, zeınetaqy men áleýmettik kómek alatyn turǵyndar osy kartany paıdalanatyn bolady» deıdi «Qazposhta»AQ basqarma tóraǵasynyń orynbasary Erserik Sıyrbaev.
