Qazposhta ınternet-jazylymdy keńeıtedi
ASTANA. QazAqparat - «Qazposhta» AQ merzimdi basylymdarǵa jazylýdyń jańa zamanaýı formatyn engizedi. Búginnen bastap, kez kelgen oqyrman ınternet arqyly kerekti basylymdarǵa jazyla alada. Korporatıvtik transformatsııa baǵdarlama aıasynda, www.postmarket.kz saıtynda merzimdik basylymdarǵa jazylý múmkindigine jol ashyq, dep habarlady vedomstvonyń baspvsóz qyzmeti.
«Bastapqy kezeńde klıentter tek qana «Egemen Qazaqstan» jáne «Kazahstanskaıa pravda» jetekshi ulttyq gazetterterine jazyla alatyn, al búgingi tańda bizdiń katalogta toǵyz myńnan astam otandyq jáne sheteldik basylymdar bar», - dep málimdedi «Qazposhta» AQ baspasóz qyzmetiniń basshysy Baıram Azızov. Ótinish berý barysy qarapaıym - www.postmarket.kz saıtynda tirkelip, «gazet/jýrnaldarǵa jazylý» siltemesine basqannan soń, klıent avtomatty túrde katalog betine ótedi. Qajetti basylymdy katalog tiziminde nemese jyldam izdeý jolaǵynda tabýǵa bolady. Árbir gazet pen jýrnaldyń baǵasy saıt betinde kórsetilgen, tólem aqysyn bank kartasymen iske asyrǵannan keıin, barlyq qalǵan sharýany kompanııa jumysshylary atqarady.
Qazirgi tańda, oqyrmandardyń ınternet arqyly 1326 respýblıkalyq jáne 7500-den astam sheteldik basylamdarǵa jazylý múmkinshiligi bar.
