Qazposhta Gennadıı Golovkınge arnalǵan marka shyǵardy (FOTO)
ASTANA. QazAqparat - «Qazposhta» AQ qazaqstandyq boksshy Gennadıı Golovkınge arnalǵan bes markadan turatyn poshtalyq toptamanyń aınalymǵa engizilgeni týraly habarlady.
«Álemdegi eń ataqty boksshylardyń biri bizdiń poshtalyq markalarymyzǵa shyǵaryldy. Gennadıı qazaqstandyq boksty nasıhattaý úshin jáne elimizdiń kúlli álemge tanymal etý úshin óte kóp dúnıeler jasady. Markalardy qazirgi kezden bastap kompanııanyń fılatelııa salondary men bólimshelerinen jáne onlaın postmarket.kz dúkeninen satyp alýǵa bolady» - dep habarlady «Qazposhta» AQ basqarma tóraǵasy Baǵdat Mýsın.
«Sport» serııasynyń «Qazaqstan chempıondary. Gennadıı Golovkın» taqyrybyndaǵy bes markadan turatyn poshtalyq toptama 4 boıaýdan turatyn ofsettik baspamen oryndalǵan. Sýretshisi K.Plýjnıkova, toptamada boıaýlardy qorǵaıtyn ÝF - bekitý elementteri paıdalanylǵan. Toptamanyń ólshemi - 130h111 mm. Toptamadaǵy markalardyń ólshemderi - 52 h 37 mm, 26 h 37 mm, 26 h 37 mm, 26 h 34 mm, 26 h 34 mm.
Toptamadaǵy poshtalyq markalardyń nomınaldary - «A» lıterleri (121) teńge - salmaǵy 20 gramǵa deıingi zańdy tulǵalarǵa arnalǵan jer ústi kóligimen tasymaldanatyn qalypty hatty jóneltýge arnalǵan tarıfke sáıkes, «V» lıterleri (200) teńge - 20 gramǵa deıingi jer ústi kóligimen TMD elderine tasymaldanatyn qalypty hatty jóneltýge arnalǵan tarıfke sáıkes, al «S» lıterleri (218) teńge - salmaǵy 20 gramǵa deıingi jer ústi kóligimen Qazaqstan Respýblıka aýmaǵy boıynsha tasymaldanatyn qalypty hatty jóneltýge arnalǵan tarıfke sáıkes keledi. Poshtalyq markalar «Qazaqstan Respýblıkasy Ulttyq Bankiniń Banknot fabrıkasy» Respýblıkalyq memlekettik kásiporynda basyp shyǵarylǵan.
