Qazposhta esepshisi talan-tarajǵa salǵan qarjyny jasyrý úshin tonady dep shaǵymdanǵan
TALDYQORǴAN. QazAqparat - Almaty oblysynyń polıtsııa qyzmetkerleri «Qazposhtanyń» aýyldyq bólimsheleriniń birinde esepshi bolyp isteıtin 27 jastaǵy áıeldiń ótirigin áshkereledi. Bul týraly QazAqparatqa aımaqtaǵy ІІD-iniń baspasóz qyzmeti habarlady.
23 tamyz kúni Eńbekshiqazaq aýdanyndaǵy ІІB-niń kezekshilik bólimine belgisiz bireýdiń Qazposhta bólimsheleriniń birindegi esepshige shabýyl jasap, 782 000 teńgeni jymqyrǵany týraly habarlama kelip túsken.
Polıtsııa kýágerlerden suraý alyp, zardap shegýshige medıtsınalyq saraptama jasatyp, kassalarǵa tekserý júrgizgen.
«Uıymdastyrylǵan tekserý nátıjesinde jalpy kólemi shamamen 5 mıllıonǵa jýyq aqshanyń jetpeıtini anyqtaldy. Qaıtadan ashylǵan jaǵdaılar boıynsha esepshi kassadaǵy aqshanyń jetispeýine baılanysty jalǵan aqparatty ózi uıymdastyrǵanyn moıyndady», - dep málim etti ІІD-iniń baspasóz qyzmeti.
Polıtsııa aryz berýshiniń ózi uıymdastyrǵan jalǵan málimetter jetkizý derekteri boıynsha óndiristik qylmys qozǵaı otyryp, tonaý týraly istiń toqtatylǵanyn habarlady.
