«Qazposhta» eki jylda 167 aýyldaǵy bólimshesin japqan

ASTANA. KAZINFORM – Premer-mınıstr Oljas Bektenov Senat depýtattarynyń saýalyna bergen jaýabynda Aqtóbe oblysyndaǵy birneshe aýylda nege poshta bólimshesi jabylyp qalǵanyn túsindirgen.

«Josaly, Álimbet, Shámshi Qaldaıaqov aýyldaryndaǵy poshta bólimshelerin jabý týraly sheshim aýyldyq bólimshelerdi ustaýǵa jumsalatyn shyǵystardyń ulǵaıýymen jáne kórsetetin qyzmetterge suranystyń tómendeýine baılanysty boldy. 2023-2024 jyldary tómen rentabeldilik sebebinen 167 aýyldyq poshta baılanysy bólimshesi jabyldy», - dep jazylǵan jaýapta.

Úkimettiń málimeti boıynsha, 2023 jyly «Qazposhtanyń» aýyldarda qyzmet kórsetý shyǵyny 17,5 mlrd teńge bolǵan. Bul tarıfterdiń naqty shyǵyndarmen sáıkes kelmeýine baılanysty. Gazetter men jýrnaldardy jetkizý tarıfi 2017 jyldan beri 17 teńge mólsherinde, ózgerissiz qalyp otyr. Al bul qyzmettiń ózindik quny 353 teńgege jetken. Aýyldarda zeınetaqy men áleýmettik tólemderdi jetkizý qyzmetiniń shyǵyndary da osyǵan uqsas. Qoldanystaǵy 247 teńge mólsherlemesi naqty shyǵyndardy ótemeıdi. Al «Qazposhta» úshin qyzmettiń ózindik quny 477 teńge bolyp otyr», - dep jazady Oljas Bektenov.

«Qazposhta» AQ Álimbet jáne Sh. Qaldaıaqov aýyldarynda poshta baılanysyn jyljymaly bólimshesi arqyly, al Josaly aýylyn aýdany ortalyǵy Qarǵalyǵa bekitý arqyly retteı bermek.

Qazposhta halyqaralyq kórmede álemniń úzdik poshta operatorlarynyń bestigine endi.