Qazposhta búkil álem boıynsha sálemdemelerdi qadaǵalaý qyzmetin iske qosty
ASTANA. QazAqparat - «Qazposhta» AQ dúnıejúzilik poshta odaǵynyń aqparattyq júıesimen birlesýiniń nátıjesinde, ǵalamdyq trekıng qyzmetiniń iske qosylǵanyn habarlaıdy. Ǵalamdyq trekıng sálemdemelerdiń ornalasqan jerin álem boıynsha qadaǵalaýǵa múmkindik beredi.
«Buryn qadaǵalaý júıesi Qazaqstan boıynsha ǵana jumys isteıtin, al shetelde júrgen sálemdemelerdi ózge eldiń pochta qyzmetteriniń júıesi arqyly izdeýge týra keletin. Endi klıent basqa resýrstarǵa kirmeı-aq, óziniń tapsyrysynyń nemese jóneltiminiń ornyn naqtylaý úshin, bizdiń veb-saıtqa nemese uıaly telefondaǵy qyzmetke trek nómirin engizip, barlyq qajetti aqparatty taba alady. Bul múmkindik, aqparatty alý ýaqytyn únemdep, bizdiń qyzmetpen paıdalanýǵa yńǵaıly jaǵdaı jasaý úshin qajet» - dedi «Qazposhta» AQ baspasóz qyzmetiniń jetekshisi Baıram Azızov.
Integratsııa nátıjesinde, Qazaqstan aýmaǵy arqyly ótetin sálemdemelerin sheteldik kompanııalar da baqylaı alady. Buryn osy aımaq olardyń izdestirý júıelerinde kórsetilmeıtin.
Búgingi tańda, kompanııanyń klıentteri http://www.kazpost.kz jáne http://track.kazpost.kz/ saıttary arqyly sálemdemelerin qadaǵalaý úshin, aıyna shamamen 800 myń tapsyrys jiberedi.
