Qazposhta bólimshelerinde tsıfrlyq jeke kýálikti paıdalaný fýnktsııasy engizildi

NUR-SULTAN. QazAqparat – eGov mobile mobıldik qosymshasy arqyly «Qazposhta» AQ-da endi jeke kýáliktiń tsıfrlyq balamasymen ǵana sálemdemeni qabyldap alýǵa jáne joldaýǵa bolady, dep habarlaıdy QazAqparat Tsıfrlyq damý, ınnovatsııalar jáne aeroǵarysh ónerkásibi mınıstrligine silteme jasap.

«Qazposhta» AQ tutynýshylary elimizdiń barlyq óńirindegi bólimshelerde sálemdemeni qabyldaǵanda jáne joldaǵanda tsıfrlyq jeke kýálikti paıdalana alady. Bul proekt Qazposhtanyń poshta qyzmetteri úshin pılottyq rejımde shyǵaryldy. Jańa qyzmetterdi paıdalaný úshin:

• eGov mobile mobıldik qosymshasyna tirkelińiz;

• «Qyzmetter» bóliminen «Tsıfrly qujattardy» tańdańyz;

• Qajetti qujatty tańdańyz;

• Qujatqa «Qoljetimdilikti ashý» batyrmasyn basyńyz;

• «Qazposhta» operatoryna smartfon ekranynda paıda bolǵan alty oryndy qysqa kodty aıtyńyz. Kod avtomatty túrde jasalady jáne eshqashan qaıtalanbaıdy.

Operator óziniń derekter bazasyna biregeı qysqa kodty engizedi, osydan keıin júıe avtomatty túrde tutynýshynyń tólqujatyn júkteıdi.

Bul sáıkestendirý mehanızmi tutynýshynyń qaýipsizdigin qamtamasyz etip, úshinshi tulǵa tarapynan bolýy múmkin aldamshylyqtyń aldyn alady.

Qazirgi tańda eGov mobile qosymshasynyń «Tsıfrly qujattar» qyzmetinde 18 qujat bar. Olardyń ishinde eń kóp paıdalanylatyny: jeke kýálik, júrgizýshi kýáligi, vaktsına pasporty, PTsR test jáne týý týraly kýálik.

Budan syrt, tsıfrlyq qujattardy elimizdiń barlyq áýejaılarynda, «QTJ» AQ-nyń temirjol vokzaldarynda vagonǵa otyrǵyzý kezinde, «Otbasy Bank» AQ bólimshelerinde, Beeline jáne ekinshi deńgeıli bankter men notarıýs qyzmetterinde paıdalanýǵa bolady.