«Qazposhta» basshysy: 0,2 stavka aılyqqa jumys istep júrgen poshtashylar bar

ASTANA. KAZINFORM – Májilis depýtaty Jıgýlı Daırabaev aýyldaǵy poshtashylardyń aılyǵy tómen ekenin másele kóterdi.

Depýtat ásirese shalǵaı aýyldardaǵy poshtashylardyń aılyǵy óte tómen ekenin aıtyp, keshiktirmeı kóterýdiń jolyn tabý kerek degen pikir aıtty.

Ásel Janasova aýyldaǵy poshta qyzmetkerleriniń aılyǵy ósý úshin turǵyndar poshta arqyly sálemdemelerdi barynsha kóp joldap, qabyldaýy kerek ekenin aıtty.

- Iá, shyny kerek, bizdiń aýyldaǵy operatorlarymyz, poshtashylarymyz az alady. Nege deseńiz, bul aýylǵa sálemdemeler men hattyń az kelýine baılanysty. ıAǵnı, soǵan baılanysty 0,2 nemese 0,5 stavkamen jumys isteıdi. 0,7 stavkamen de jumys isteıtinder bar. Ol endi aýyl turǵyndaryna baılanysty, - dedi ol.

«Qazposhta» basshysy keıingi eki jylda poshtashylardyń aılyǵy 35 paıyz óskenin aıtady.

- 2023 jyly poshta qyzmetkerleriniń aılyǵyn 25 paıyzǵa kóterdik. Bıyl taǵy 15 paıyzǵa kóterdik. Jyl saıyn barlyq «Qazposhta» qyzmetkerlerine 3 ret syıaqy beremiz. Onyń ózi biz úshin úlken qarajatty qajet etedi. ıAǵnı, aýyldarǵa joldanatyn sálemdemelerdiń kóbeıýine baılanysty aılyqty da kótere alamyz, - dedi Ásel Janasova.