«Qazposhta» aýyl turǵyndaryna «Úkimet - azamattar úshin» memlekettik korporatsııasy qyzmetterin usynatyn bolady
ASTANA. QazAqparat -«Qazposhta» aýyl turǵyndaryna «Úkimet - azamattar úshin» memlekettik korporatsııasy qyzmetterin usynatyn bolady. Bul týraly búgin «Qazposhta» AQ basqarmasynyń tóraǵasy Baǵdat Mýsın málim etti.
«Búgingi kúni aýyl turǵyndary memlekettik qyzmetterdi alý úshin aýdan, oblys ortalyqtaryna barýy kerek. Bul máseleni «100 naqty qadam» Ult josparynyń 100-shi qadamynda kózdelgen «Úkimet - azamattar úshin» memlekettik korporatsııasy arqyly sheshpekpiz. Biz Úkimetpen kelistik. Qazposhta arqyly osy korporatsııanyń qyzmetteri aýyldyq turǵyndarǵa usynylatyn bolady. Muny biz ilki joba retinde synaqtan ótkizdik. Búgingi kúni 40 bólimshemizde Halyqqa qyzmet kórsetý ortalyqtarynyń jumystaryn atqarýdamyz», - dedi B.Mýsın.
«Qazposhta» aýyl turǵyndaryna kóptegen qyzmetterdi usynýdy búgingi kúni ilki joba retinde qolǵa alǵan. Máselen, aldaǵy ýaqytta aýyl turǵyndary «Qazposhta» bólimsheleri arqyly ózderine qajetti dári-dármekte tapsyrys berý arqyly alýyna bolady. Munan bólek, temir jol bıletterin de satyp alýǵa múmkinshilik usynýda. Aldaǵy ýaqytta eknishi deńgeıli bankter tarabynan usynylatyn túrli qyzmetterdi aýyl turǵyndaryna qol jetimdi jasaý baǵytynda jumystardy júrgizý ústinde Aıta keterligi, «Qazposhtanyń» 3373 bólimshesi bar, olardyń 70 paıyzy aýylda, shalǵaı eldi mekende, 30 paıyzy qalalyq jerde ornalasqan.
