«Qazposhta» AQ Jańa jylǵa deıin aptasyna jeti kún qyzmet kórsetedi
ASTANA. QazAqparat - «Qazposhta» AQ 2014 jyldyń 13, 14, 16, 17, 20, 21, 27, 28 jeltoqsan kúnderin ortalyq operatsııalyq ýchaskeler, poshta baılanysynyń qalalyq toraptary, oblystyq fılıaldardyń poshtany óńdeý jáne jetkizý ýchaskeleri, «Almaty pochtamt», «Astana pochtamt» qyzmetkerleri úshin jumys kúnderi dep belgilendi, dep habarlady «Qazposhtanyń» baspasóz qyzmetinen.
«Qazposhta» AQ baspasóz qyzmetiniń habarlaýynsha, kompanııanyń bul bólimsheleri Jańa jyl merekesine deıin jeti kúndik jumys aptasyna kóshti. Senbi kúni tolyq jumys kúni bolsa, jeksenbide saǵat 10-nan saǵat 13-ke deıin jumys isteıdi. Osylaısha, 33 ortalyq operatsııalyq ýchaskesi, poshtany óńdeý jáne jetkizýdiń 37 ýchaskesi jáne poshta baılanysynyń 14 qalalyq bólimi klıentterge demalys kúnderi de qyzmet kórsetedi.
«Jańa jyl aldyndaǵy kúnderi kompanııanyń qabyldap otyrǵan sálem-saýqattary men korrespondentsııasynyń sany birneshe esege artyp, kóptegen klıentterdiń olardy merekege qarsy ala almaǵan jaǵdaılar kóp bolǵan. Bıyl biz árbir klıentimizdiń sálem-saýqaty nemese hatyn ýaqytyly alýy úshin qolymyzdan keletinnin bárin jasaımyz. Demalys kúni jumysqa jumyldyrylǵan barlyq qyzmetkerlerge kompanııa demalý úshin basqa kúndi bóledi nemese qyzmetkerlerdiń nıeti boıynsha, eńbek zańnamasymen ornatylǵan tártipte eńbekaqysyn tóleıdi», - dep túsindirip ótti «Qazposhta» AQ basqarmasynyń tóraǵasy Baǵdat Mýsın.
Osy aptada kompanııa qazirgi ýaqytta jóneltilimderi «Qazposhta» bólimshelerinde jatqan barlyq klıentterge sms-habarlamalardy jiberýdi uıymdastyrdy. Sondaı-aq, ózderiniń baılanys málimetterin qaldyrǵan, jáne statsıonarlyq telefondarynyń nómirleri júıede kórsetilgen barlyq klıentterge telefon soǵý uıymdastyryldy. Atalǵan tájirıbe turaqty túrde qoldanylyp, qaǵaz habarlamalardyń ornyn basýǵa shaqyrylady. Budan bólek, kompanııanyń qabyldap otyrǵan sálem-saýqattar sanynyń ósýine baılanysty elimizdiń keıbir bólimshelerinde olardy tabystaý úshin terezeler sanyn kóbeıtý jumysy qolǵa alyndy.
Kompanııa jiberýler kóleminiń kóptigine baılanysty bolýy múmkin adam kezekteri úshin aldyn ala keshirim suraıdy. Bólimshelerdiń tizimin kompanııanyń www.kazpost.kz koroporatıvtik saıtynan kórýge bolady.
«Qazposhta» AQ - Qazaqstan Respýblıkasynyń poshta, qarjylyq jáne logıstıkalyq qyzmet kórsetetin poshta baılanysynyń ulttyq operatory. «Qazposhta» AQ búkilálemdik poshta odaǵynyń múshesi, Posteurop Eýropalyq poshta operatorlary qaýymdastyǵynyń múshesi, VISA International ı MasterCard Worldwide halyqaralyq tólem júıeleriniń qatysýshysy bolyp tabylady. Kompanııanyń jalǵyz aktsıoneri - «Samuryq Qazyna» AQ.
