«Qazposhta» AQ-y Qazaqstannyń EQYU-ǵa tóraǵalyǵyna arnalǵan poshta markasyn aınalymǵa engizdi
Y. Qańtardyń 6-y. QazAqparat /Ádilet Musahaev/ - Búgin «Qazposhta» AQ 2010 jyly Qazaqstan Respýblıkasynyń Eýropadaǵy qaýipsizdik jáne yntymaqtastyq uıymyna tóraǵalyǵyna arnalǵan kórkem sýretti poshta markasyn aınalymǵa shyǵardy,
dep habarlaıdy QazAqparat.
Atalmysh sharaǵa «Qazposhta» AQ-nyń basqarma tóraǵasy Dáýren Moldaǵalıev pen QR Syrtqy ister mınıstriniń kómekshisi Janat Zákıeva qatysty.
J. Zákıevanyń aıtýynsha, bul EQYU-ǵa tóraǵalyqqa baılanysty resmı saıttyń ashylýynan keıingi arnaýly is bolyp otyr.
Tórt boıaýly ofsetti baspa ádisimen oryndalǵan markanyń nomınaly 230 teńge, taralymy 30 myń dana, sýretshisi Danııar Muhamedjanov. Marka Beıjińdegi poshtalyq tólem belgileri fabrıkasynda basylyp shyqqan. Alǵashqy kúnniń arnaıy shtempelinde EQYU-nyń logotıpi beınelengen.
