"Qazposhta" AQ-nyń satyp alǵan taýar men qyzmettegi qazaqstandyq qamtýy 86,6 paıyzdy qurady - Basqarýshy dırektor
Bul jaıly búgin Almatyda ótken "Memlekettik tapsyrys-2010" aktsııasy aıasynda ótken alqaly basqosýda aıtyldy, dep habarlaıdy QazAqparat.
"Qazposhta" 2009 jyly 8 mıllıard 840 mıllıon teńgeniń satyp alýlaryn josparlaǵan edi. Ondaǵy qazaqstandyq qamtý 7,8 mıllıard nemese 88 paıyzdy quraǵan. Alaıda birqatar ınvestıtsııalyq jobalardyń qysqarýyna baılanysty jalpy satyp alý kólemi 5 mıllıard 840 mıllıon teńgege azaımaq. 11 aıda 4,3 mıllıard teńgeniń satyp alýy jasaldy. Ondaǵy qazaqstandyq qamtý 3 mıllıard 781 mıllıon teńge nemese 86,6 paıyz boldy", deıdi aktsıonerlik qoǵamnyń basqarýshy dırektory Baqyt Mámbetalıev. Onyń aıtýynsha, "Qazposhta" satyp alýlardaǵy qazaqstandyq qamtýdy arttyrý maqsatynda otandyq óndirisshilermen 1 mıllıard 107 mıllıon teńgeniń 10 memorandýmyna qol qoıdy. Onyń jeteýi Almaty qalasynda jasaldy. Qazirgi kezde úsh memorandým oryndalyp, ekeýi kompanııalardyń tenderge kelmeýine baılanysty júzege asyrylmady. Al qalǵan eki memorandým qazir júzege asyrylý aldynda tur.
