«Qazposhta» AQ kórsetetin qyzmetteriniń aqysyn tómendetýde
ALMATY. QazAqparat - «Qazposhta» AQ keıbir qyzmet tarıfterin tómendetti. Bul týraly atalmysh mekemeniń baspasóz qyzmetinen habarlaıdy.
«Qazposhta» AQ el ishinde tirkelgen korrespondentsııalardy (hat, banderol, kartochka) jiberýdiń aqysyn orta eseppen 25 paıyzǵa, poshta arqyly Qazaqstan ishinde sálemdeme jiberý qyzmetiniń aqysyn 5 paıyzǵa arzandatty», - dep atap ótti baspasóz qyzmetiniń mamandary.
Dálirek aıtqanda, áýe qatynasy arqyly salmaǵy 3 kelige deıingi sálemdemeni jiberý 1650 teńgeden 1380 teńgege arzandatyldy. Sondaı-aq, erekshe sanattaǵy azamattar úshin de jeńildikter jasaý qarastyrylyp otyr. «Qazposhta» AQ basqarma tóraǵasy Ashat Beısenbaevtyń aıtýynsha, jalpyǵa ortaq poshtalyq qyzmetterdiń aqysy 2012 jyldan beri ózgermegen.
Poshta qyzmetindegi tarıftik saıasattyń turaqtylyǵy atalǵan salanyń negizgi tutynýshylary - zeınetkerlerge degen qurmettiń belgisi bolyp tabylady, deıdi onyń qyzmetkerleri.
