«Qazposhta» AQ Qazaq handyǵynyń 550 jyldyǵyna arnalǵan markaǵa úzdik mınıatıýra jasaý baıqaýyn jarııalady
ASTANA. QazAqparat - «Qazposhta» AQ men Beeline Kazakhstan kompanııasy Qazaq handyǵynyń 550 jyldyǵyna arnalǵan úzdik kórkemsýret mınıatıýrasyna baıqaý ótkizedi. Ol poshta markasyna basylady.
Bul úshin kompanııa saıtynda jarııalanǵan birqatar talapty oryndaý qajet. Baıqaý talaptarynda sýret paraqtyń ortasynda ornalasý kerektigi, jazba, nomınal quny nemese shyǵarylǵan jyl sııaqty tsıfrlar bolmaýy tıis ekendigi atalyp ótildi.
Qatysýshylar osy basylymnyń bul túrine tán erekshelikterdi eskerý qajet: sýrette mátindi ornalastyrý úshin oryn qaldyrylýy tıis - «Kazahstan, Kazakhstan». Markanyń/bloktyń nomınaly, sonymen qatar, basylym jyly jáne markanyń/bloktyń sıýjetiniń taqyryby bolýy kerek.
Baıqaý jumystaryn baıqaý aıaqtalǵan soń 10 jumys kúni ishinde arnaıy komıssııa baǵalaıdy. Olardyń quramynda «Qazposhta» AQ qyzmetkerleri, sýretshiler, dızaınerler, ónertanýshylar bolady.
Baıqaý 2015 jyldyń 17 aqpanynan 12 naýryzyna (Astana ýaqytymen saǵat 17:00) deıin ótedi.
