«Qazposhta» AQ ınternet satyp alý naryǵyn damytyp jatyr

NUR-SULTAN. QazAqparat - «Qazposhta» AQ tsıfrlyq transformatsııa aıasynda qazaqstandyqtarǵa yńǵaıly bolý úshin elektrondyq servısterdi belsendi túrde damytýda. Ulttyq poshta operatory qazaqstandyq naryqqa halyqaralyq kompanııalardy tartyp otyr. Kazpost tólem kartalaryn qoldanýshylar úshin LetyShops keshbek-servısi arqyly ınternet satyp alýlarǵa jumsalǵan aqshanyń 20% qaıtarýǵa múmkindik bar.

«Qazposhta» AQ elimizde e-commerce naryǵyn damytýdy yntalandyrýda. Bul óz kezeginde ekonomıkanyń qolma-qol aqshasyz tólem júıesine ótýine jol ashady. Poshta baılanysynyń ulttyq operatory 2027 jylǵa deıingi Damý strategııasyna sáıkes elektrondyq kommertsııany damytý úshin ekojúıeni qalyptastyrýǵa basa nazar aýdaryp otyr.

«Pandemııaǵa baılanysty álemde tutynýshylardyń daǵdylary ózgergeni baıqalady. E-commerce úlesi artyp, online-servıster qarqyn aldy. Qazposhta bul tendentsııalarǵa sáıkes elektrondyq saýda alańdarymen baılanys ornatty, sonymen birge ózimizdiń tólem kartalarymyzdy shyǵaramyz. Onyń ishinde vırtýaldy kartalar da bizdiń turǵyndarǵa usynylady. Osylaısha bizdiń klıentterimizge yńǵaıly jaǵdaı jasaý úshin ózimizdiń ekojúıemizdi quryp, qyzmetterdiń tolyq spektrin usynyp otyrmyz», - dep atap ótti «Qazposhta» AQ Táýekelder jáne komplaens jónindegi basqarýshy dırektory Nurqanat Nuraqynov.

Qol jetkizilgen kelisim onlaın túrde satyp alýshylarǵa LetyShops seriktesterinen naýqanǵa baılanysty 20% deıin jáne qosymsha 2% deıin cashback Kazpost AliExpress, Kazpost Virtual kartalarymen tólegen kezde qarastyrylǵan.

Vırtýaldy kartany post.kz saıtynda jáne mobıldi qosymshasynda ashýǵa múmkindik bar.

Satyp alýshylar úshin 3 myńnan astam ınternet-dúkendi biriktiretin keshbek-servıstiń artyqshylyqtaryn qoldaný múmkindigi bar.

Rost.kz saıtynda «Paıdaly ınternet satyp alýlar» aıdaryna ótip, onlaın satyp alýdyń sharttarymen tanysýǵa bolady. Silteme boıynsha seriktestiń saıtyna ótip, tirkeýden ótý qajet.

Sodan keıin dúkendi tańdap, Qazposhta kartasymen onyń aqysyn tóleý qajet. Satyp alýdyń baǵasynan berilgen keshbekti Qazposhtanyń kez kelgen kartasyna aýdarýǵa bolady.

Búginde Ulttyq poshta operatory bıznes-protsesterdi tsıfrlyq transformatsııalaý jumystaryn belsendi júrgizýde. Qazposhta qyzmettiń sapasyn jetildirý jáne qazaqstandyqtarǵa yńǵaıly bolý úshin jańa fýnktsııalardy qoldanysqa engizip otyr.