«Qazposhta» AQ BQO fılıalynda zańǵa qaıshy áreketter jasalǵanyn rastady
NUR-SULTAN. QazAqparat - «Qazposhta» AQ óziniń Batys Qazaqstan oblystyq fılıalynda jeke tulǵalardyń shottaryna baılanysty zańǵa qaıshy áreketter jasalǵanyn rastaıdy, dep habarlaıdy QazAqparat.
«Bul fakt ishki revızııanyń barysynda anyqtaldy. Oǵan kináli adamdar boıynsha materıaldar quqyq qorǵaý organdaryna tıisti protsessýaldy sharalar qabyldaý úshin jiberildi. Sonymen qatar atalǵan fakt boıynsha ishki qyzmettik tekserý júrgizilýde. Klıentterdiń shottarynda qarjynyń jetispeýshiligi rastalǵan jaǵdaıda ony «Qazposhta» AQ tolyq kólemde qaıtarady. Tekserý qorytyndysy boıynsha qosymsha málimetter usynylady»,-delingen «Qazposhta» AQ baspasóz qyzmeti taratqan habarlamada.
Foto: pm.kz
