«Qazposhta» AQ Basqarma tóraǵasynyń orynbasary M.Jarylqaǵanovtyń ókilettigi merziminen buryn toqtatyldy

ASTANA. QazAqparat - «Qazposhta» AQ Dırektorlar keńesiniń sheshimimen Basqarma tóraǵasynyń orynbasary - basqarma múshesi Murat Ótepbergenuly Jarylqaǵanovtyń ókilettigi toqtatyldy, dep habarlanǵan «Qazposhta» AQ saıtynda.

«Murat Ótepbergenuly Jarylqaǵanovtyń ókilettigi ózi bergen ótinishiniń negizinde 2015 jylǵy 16 sáýirden bastap merziminen buryn toqtatyldy», delingen habarlamada. Murat Jarylqaǵanov «Qazposhta» AQ-ynda 2009 jyldyń aqpanynan qyzmet atqardy. 2009 jyldyń mamyr aıynan bastap basqarýshy dırektor - bas qarjy dırektory qyzmetinde boldy. «Qazposhta» AQ Dırektorlar keńesiniń 2009 jylǵy 30 mamyrdaǵy sheshimimen Basqarma tóraǵasynyń orynbasary bolyp taǵaıyndaldy. Túrli jyldarda «Qazaqstan temir joly» RMK, Kásiporyndardy qaıta qurý jáne taratý agenttiginde, Qazaqstan Halyq bankinde, «Infraqurylym» EMK qyzmet atqardy.