«Qazposhta»AQ balalar arasynda epıstolıarlyq jumystarǵa konkýrs jarııalady
ALMATY. Qańtardyń 23-i. QazAqparat /Erbol Azanbek/ - Búkilálemdik poshta odaǵy, ıÝNEIDS, Halyqaralyq eńbek uıymy, Baılanys salasy qyzmetkerleriniń halyqaralyq kásipodaǵy «Bireýge hat jaz, oǵan JQTB týraly aıtý nege mańyzdy ekenin túsindir jáne dosyńdy qorǵa» atty epıstolıarlyq jumystardyń konkýrsyn jarııalady,
dep habarlaıdy QazAqparat «Qazposhta» AQ baspasóz qyzmetine silteme jasap.
«Qazposhta»AQ atalǵan konkýrsty bıyl 39-shy ret ótkizedi. Onyń maqsaty - halyqaralyq uıymdarmen birlese otyryp JQTB-nyń aldyn alý», deıdi «Qazposhta» AQ ókilderi. Konkýrsqa 15 jasqa deıingi balalar qatysa alady. Shyǵarma hat túrinde, buryn esh jerde jarııalanbaǵan, sondaı-aq sóılem mólsheri 500-800 aralyǵynda bolýy qajet. Hatta qatysýshynyń meken-jaıy, aty-jóni, sýreti berilýi tıis. Ótinishter naýryzdyń 15-ne deıin qabyldanady. «Eń úzdik» dep tanylǵan jumys Búkilálemdik poshta uıymy uıymdastyratyn halyqaralyq konkýrsqa jiberiledi. Úzdik jumystar «Poshta uıymy» atty 7 tilde jaryq kóretin halyqaralyq jýrnalda jarııalanyp, baǵaly syılyqtarmen marapattalady.
