Qazposhta 9 myń qyzmetkeriniń jalaqysyn kóbeıtedi
ASTANA. QazAqparat - 2019 jyldyń 1 qańtarynan bastap, "Qazposhta" AQ 9 myń qyzmetkeri 9%-ke kóbirek eńbekaqy alady, dep habarlaıdy QazAqparat tilshisi.
"Elbasynyń jańa bastamalaryna sáıkes, barlyq normatıvtik-quqyqtyq aktiler qabyldanǵan soń, 9 myń qyzmetkerimizdiń jalaqysyn 9%-ke kóterý múmkindigine ıe bolamyz", - dedi "Qazposhta" AQ Basqarma tóraǵasy Sáken Sársenov Ortalyq kommýnıkatsııalar qyzmetinde ótken baspasóz máslıhatynda.
Eske sala ketsek, 5 naýryz kúni QR Prezıdenti tómen jalaqy alatyndardyń jeke tabys salyǵyn 1%-ke deıin tómendetýdi tapsyrǵan edi.
QR Premer-Mınıstri Baqytjan Saǵyntaev 2019 jyldyń 1 qańtarynan bastap 25 AEK-ten az jalaqy alatyn jumyskerlerge salynatyn jeke tabys salyǵynyń mólsherin 1 paıyzǵa tómendeıtinin, tabys salyǵyn azaıtýdan shyǵatyn qarjynyń jalaqyny kóterýge baǵyttalatynyn málim etti.
Sonymen birge, Sáken Sársenov kompanııada yntalandyrý baǵdarlamasy jumys isteıtinin atap ótti. Aı saıyn qyzmetkerdiń eńbek kórsetkishine sáıkes, qosymsha aqy tólenedi. Tipti keı qyzmetkerler tutas jalaqymen birdeı bolatyn qosymsha aqy alady.
Qazposhtadaǵy ortasha eńbekaqy 109 myń teńgeni quraıdy.
