Qazposhta 28 tamyzdan bastap úsh kún boıy jumys istemeıdi
NUR-SULTAN. QazAqparat - «Qazposhta» AQ josparly tehnıkalyq jumysqa baılanysty 3 kún qyzmet kórsetýdi toqtatady, dep habarlaıdy QazAqparat atalǵan mekemeniń baspasóz qyzmetine silteme jasap.
«Josparǵa saı júrip jatqan tehnıkalyq jumystarǵa baılanysty Nur-Sultan ýaqytymen 2022 jyldyń 28 tamyzy saǵat 00:00-den 2022 jyldyń 31 tamyz kúngi saǵat 08:00-ge deıin «Qazposhta» AQ bólimshelerinde, postamattarda, termınaldarda, «Kassa24» termınaldarynda, post.kz, postbank.kz saıttarynda poshta jáne qarjy qyzmetteriniń barlyq túri jumysyn toqtatady», - delingen habarlamada.
Osy oraıda klıentter poshta qyzmetin alýdy aldyn ala josparlaý kerektigin eskertedi.
«Bólimshelerge barý, termınaldar men onlaın qyzmetter arqyly operatsııalar júrgizý, hattardy, qujattar men sálemdemelerdi qabyldaý/jiberý sekildi «Qazposhta» AQ qyzmetterin alatyn bolsańyz, aldyn ala josparlańyz», - deıdi vedomstvodan.
Qazposhta AQ týyndaǵan qolaısyzdyq úshin klıentterden keshirim suraıdy.
