«Qazposhta» 2 mln. eýroǵa postomattar jelisiniń ilki jobasyn engizdi
ASTANA. 19 jeltoqsan. QazAqparat - Astanadaǵy jańa poshtalyq bólimshede klıentterge korrespondentsııanyń jáne poshtalyq jóneltilimderdi avtomatty túrde qabyldaýǵa, ınternet-dúkenderden taýarlardy satyp alýdy júzege asyrýǵa múmkindik beretin arnaıy postomatpen jabdyqtaldy.
«Qazposhta» AQ basqarma tóraǵasy Arken Arystanovtyń aıtýynsha, bul jańalyq Qazaqstanda ilki joba bolyp tabylady. «Biraq jýyqta uqsas mashınalardyń jelisin Astanada, sonymen qatar Qazaqstannyń ózge qalalarynda qoıý josparlanǵan», - dedi A.Arystanov búgin Astanada Qazaqstannyń tuńǵysh táýlik boıy jumys isteıtin «Post-24» poshta bóliminiń ashylýynda.
Atalmysh qurylǵylar Eýropa elderinde ózderin jaqsy qyrynan kórsete bildi. Olar Qazaqstanǵa Estonııadan, «Kleveron» kompanııasymen ákelinedi. Qazaqstan atalmysh postomattar júıesine 2 mıllıon eýro qarjy shyǵyndaǵan.
«Biz tek bir ǵana postomat satpaımyz, bul aýqymdy júıe - IT joba, barlyq postomattar ózara ınternetpen baılanǵan, al ol óz kezeginde úlken birtutas baǵdarlamamen basqarylady. Alǵashqy 20-30 postomat keler jyldyń naýryz aıynda jumys isteı bastaıdy. Joba bastapqy kezeńderde Astana, Almaty, Qaraǵandy jáne Shymkent qalalaryn qamtıtyn bolady. Bizdiń zertteý boıynsha, ınternet-saýdanyń eń úlken kórsetkishteri dál osy qalalarda baıqaldy», - deıdi kompanııa ókili Peter Pelısar.
