Qazpochtadaǵy zańsyzdyqtar týraly qupııa túrde habarlaýǵa bolady
ASTANA. QazAqparat - «Qazpochta» AQ sybaılas jemqorlyq, etıkany buzý, urlyq faktileri men basqa da buzýshylyqtardy anyqtaý maqsatynda «jedel jeli qyzmetin» iske qosty.
Bul jeli arqyly klıentter, seriktester jáne kontragentter aryzdaryn qupııaly túrde jibere alady, dep habarlaıdy QazAqparat.
«Birneshe jyl buryn bastalǵan transformatsııa baǵdarlamasynyń aıasynda, biz texnologııalar men protsesterdi ózgertý baǵytymen qatar, alaıaqtyq pen jemqorlyqqa qarsy kúres jolynda da jumys atqarýdamyz. Klıentterimizdiń senimdiligin arttyrýdaǵy kelesi qadamymyz - «jedel jeli qyzmeti». Bul qyzmet kóptegen servıstik kompanııalardyń sapasyn kótere alǵan qural bolyp tabylady» - dep atap ótti «Qazpochta» AQ basqarma tóraǵasy Baǵdat Mýsın.
Qazpochtanyń qyzmetine qatysty kez kelgen quqyqbuzýshylyq jaıly kelesi joldar arqyly habarlaýǵa bolady:
1. hotline@bailanys.com elektrondy jáshigine hat jazý;
2. +7-800-080-0831 nómiri arqyly habarlaý;
3. https://www.bailanys.com saıtynda arnaıy úlgi boıynsha málimet qaldyrý.
Azamattar anyqtalǵan nemese josparlanyp otyrǵan jemqorlyq, aılakerlik jáne urlyq faktileri; múddeler qaıshylyqtary; zańsyz qarjy operatsııalary; qarjylyq nemese basqarýshylyq eseptemelerdiń burmalanýy; kemsitýshilik faktileri; jumys babyndaǵy jáne áleýmettik qaıshylyqtar; iskerlik etıkanynyń buzylýy jáne t.b. týraly qupııa túrde málimdeı alady.
Onymen bir mezgilde, «Qazpochta» AQ «jedel jeli qyzmetin» jalǵan aqparat taratý nemese buzaqylyq maqsatta, sonymen qatar kek alý úshin qoldaný zańdy túrde jazalanatynyn eskertedi.
