Qazpochta uıaly telefondarǵa arnalǵan post.kz atty baǵdarlamasyn shyǵardy
ASTANA. QazAqparat - «Qazpochta» AQ post.kz ulttyq poshta jáne qarjy qyzmetteri portalynyń uıaly telefondarǵa arnalǵan baǵdarlamasyn iske qosqanyn habarlaıdy.
"Mobıldi qosymsha iOS jáne Android aqparattyq júıelerinde qoljetimdi. Qazirgi tańda baǵdarlamaǵa portalda eń kóp qoldanatyn qyzmetter qosylǵan. Al 2016 jyldyń sońyna deıin portaldyń barlyq fýnktsııalarymen tolyqtyratyn bolamyz", - dep Baıram Azızov, "Qazpochta" AQ baspasóz qyzmetiniń basshysy bólisti.
Bul baǵdarlamanyń basty artyqshylyǵy Qazpochtanyń poshtalyq jáne qarjy qyzmetterin bir mobıldi qosymshaǵa biriktirýinde. Bul qosymshaǵa tirkelý arqyly klıent sálemdemelerin trek nómirmen baqylap, @post.kz domeni bar elektrondy poshtasymen qoldanyp, uıaly telefonnyń teńgerimin toltyryp, kommýnaldy tólemderdi iske asyryp, onlaın túrde bólimshedegi kezekke turýǵa múmkindik ashady, dep jazady Pm.kz.
Mobıldi qosymshamen qoldanatyndarǵa jáne barlyq Qazpochta klıentteri úshin táýlik boıy 1499 nómiri boıynsha baılanys ortalyǵy qoljetimdi.
