«Kaznex invest» shetelde ashylatyn 4 ókildigine jylyna 1 mln. 200 myń eýro shyǵyndamaq
ASTANA. QazAqparat - «Kaznex invest» shetelde 4 ókildik ashady. Bul týraly búgin QR Prezıdenti janyndaǵy Ortaldyq kommýnıkatsııalar qyzmetinde ótken brıfıngte QR Investıtsııalar jáne damý vıtse-mınıstri Erlan Saǵadıev málim etti.
«Biz Eýropada, AQSh-ta, Ulybrıtanııada ókildik ashýdy josparlap otyrmyz. Tórtinshi ókildik Azııada ashylady. Biraq, áli sheshim qabyldanǵan joq. Ol Koreıada, Qytaıda ne bolmasa Sıngapýr men Japonııanyń birinde ashylýy múmkin», - dedi ol.
Vıtse-mınıstrdiń sózine qaraǵanda, sheteldegi bir ókildikke aıynda shamamen 25 myń eýro shyǵyndalady. Oǵan ǵımaratty jaldaý, eki adamnyń jalaqysy, olardyń júrip-turýy jáne ákimshilik shyǵystaryn óteý kiredi.
