«KAZNEX INVEST» agenttiginiń Nıý-Iork, Dýbaı, Frankfýrt, Ystambul, Beıjińde ókildigi ashylady

ASTANA. QazAqparat - "KAZNEX INVEST" agenttiginiń Nıý-Iork, Dýbaı, Frankfýrt, Ystambul, Beıjińde ókildigi ashylady. Bul týraly búgin Astana ekonomıkalyq forýmy aıasyndaǵy Investıtsııalyq sammıtte QR Investıtsııalar jáne damý mınıstri Áset Isekeshev málim etti.

«Prezıdent Nursultan Nazarbaevtyń tapsyrmasy boıynsha biz Qazaqstannyń sheteldegi mekemelerin ekonomıkalandyrý júrgizemiz. Biz basymdyqty 10 eldi tańdap aldyq, olarǵa ınvestıtsııa boıynsha 10 arnaýly keńesshi issaparǵa jiberiledi. Munan bólek, biz "KAZNEX INVEST" eksport jáne ınvestıtsııalar ulttyq agenttiginiń Nıý-Iorkte, Dýbaıda, Frankfýrtta, Ystambulda jáne Beıjińde sheteldik ókildikterin ashamyz», - dedi Á.Isekeshev.

Onyń aıtýynsha, bul ókildikter barlyq óńir úshin kez kelgen qyzmet túrlerin kórsetetin bolady.

«Olar qujattardy daıyndaýǵa járdemdesip, ınvestıtsııalyq alańdar anyqtaý, serktesterdi irikteý syndy máselelerde keńes beredi, qajet bolǵan jaǵdaıda lıtsenzııalar men ruqsattar alýǵa kómektesedi», - dedi mınıstr.