Qaznetke senim deńgeıi 80%-dy quraıdy - «Qazkontent» AQ
ASTANA. QazAqparat - Búginde Qaznet senimdi aqparattyń kózine aınaldy. Bul týraly búgin Ortalyq kommýnıkatsııalar qyzmetinde ótken brıfıngte "Qazkontent" AQ basqarma tóraǵasy Asqar Axmetov málim etti.
"Búginde Qaznet senimdi aqparattyń kózine aınalǵandyǵyn aıta ketken jón. Aqparatty izdeý kezinde azamattar otandyq saıttarǵa kóp júginedi. Keıbir saıttarǵa degen senimdilik 80%-ǵa jetken, bul álem boıynsha jaqsy kórsetkish dep sanalady", - dedi ol.
Onyń aıtýynsha, búginde Qazaqstanda ınternet - televızııadan soń aqparat alýdyń ekinshi arnasy bolyp otyr.
"Statıstıka málimetterine sáıkes, qazirgi ýaqytta Qazaqstanda bar ınternet paıdalanýshylardyń 70%-y kún saıyn ınternetke kirip, aqparat oqıdy, bir-birimen sóılesedi", - dedi A. Axmetov.
