Kaznetke DDoS-shabýyldar shetelden jasalǵan
ASTANA. QazAqparat – «Memlekettik tehnıkalyq qyzmet» AQ Internettiń qazaqstandyq bóligine jasalǵan DDoS-shabýyldardy tirkedi. Óz kezeginde ol baılanys operatorlarynyń magıstraldyq kanaldar jelisinde qosymsha kúsh túsirip otyr, dep habarlaıdy QazAqparat aktsıonerlik qoǵamnyń baspasóz qyzmetine silteme jasap.
«Qazirgi tańda «MTQ» AQ baılanys operatorlarymen birlesip, júıeni ońtaılandyrý baǵytynda tehnıkalyq jumystar júrgizip jatyr. Óz kezeginde ol keıbir ınternet-resýrstarynyń jyldamdyǵynyń tómendeýine yqpal etýi múmkin. Qazirgi tańda DDoS-shabýyldar birneshe sheteldik kózderden júzege asyrylýda. Osy tektes shabýyldar ózge óńirlerde de tirkelip otyr. Tıisti tehnıkalyq baılanystar atalǵan shabýyldardyń bir-birimen baılanysy bar-joǵyn anyqtap jatyr»,-delingen MTQ mekemesi taratqan habarlamada.
Osyǵan deıin birqatar saıtqa jasalǵan DDOS shabýyldan keıin tehnıkalyq jumystar júrip jatqanyn jazǵan blatynbyz.
