Qaznet: Mıllıonnan úlesińdi al!
ASTANA. QazAqparat - Qaznette qomaqty júlde qory bar «Qazaqııa-2015» blog-baıqaýyna irikteý kezeńi júrip jatyr. 14 kúnniń ishinde 8 oblys pen qala, 12 stansany basyp ótetip sapar-baıqaýǵa áleýmettik jelide (onyń ishinde Feısbýkte) belsendi, turaqty jazatyn kez kelgen qoldanýshy qatysa alady.
Blog-saparǵa barýǵa úmitkerler usynylǵan taqyryptar boıynsha («Kóktemgi pozıtıv», «Ózińnen basta!», «Meniń jerim», «Ata-anama qurmet», «Otbasym - Otanym») kem degende eki jazbadan jazyp, baıqaýdyń irikteý kezeńine qatysa alady. Jobanyń kelesi irikteý satysynda blogerler sapar marshrýtyna baılanysty boljamdy josparyn (jazba, foto-vıdeo) usynady. Іrikteý syndarynan ótken 10 bloger 1 000 000 teńge júlde qorynan óz úlesin alý úshin baq synaspaq.
Baıqaýdyń maqsaty - áleýmettik jeli belsendileriniń kózimen Qazaqstandy jańa qyrynan tanytý, qazaqtildi ınternet keńistikti sapaly mátindik, beıne, foto kontentpen tolyqtyrý.
Baıqaý týraly tolyǵyraq aqparatty «Qazaqııa 2015» blog-sapar jobasynyń áleýmettik jelilerdegi resmı paraqshalarynan tabýǵa bolady.
Jobaǵa Altel 4 G GSM kompanııasy demeýshilik etýde.
