«QazMunaıGazǵa» qarasty kásiporyndar elimizdiń batysyndaǵy sý tasqynymen kúresýge atsalysyp jatyr
ORAL. KAZINFORM – QMG-nyń Batys Qazaqstan oblysyndaǵy enshiles uıymdary men qatysý úlesi bar kompanııalar jergilikti ákimdikterge kóktemgi sý tasqyny saldaryn joıý jáne apattyq-qutqarý jumystaryn júrgizý kezinde kómek qolyn sozdy.
«Qarashyǵanaq Petrolıým Opereıtıng B.V.» kompanııasy Bórli aýdany ákimdiginiń ótinishi boıynsha 28 naýryzdan bastap qajetti tehnıka bóldi.
«Qarashyǵanaq» ken ornynda qazirgi ýaqytta sý tasqyny baıqalmaıdy. Tabıǵı apat shıkizat óndirý isine jáne jobalardy iske asyrý barysyna áser etpedi.
Óz kezeginde, «Ýral Oıl end Gaz» JShS (QMG úlesi – 50%) Batys Qazaqstan oblysy Báıterek aýdanynyń ıAnvartsevo aýylynda kóktemgi sý tasqynyna qarsy is-sharalardy júrgizý úshin 6 arnaıy tehnıka bóldi. Kompanııa 4 samosval, 1 júk tıegish jáne 1 ekskavator berdi.
Sonymen birge «ÝOG» JShS ujymy bir kúndik jalaqysyn sý tasqynynan zardap shekkenderge kómek qoryna aýdarý týraly sheshim qabyldady.
«QazMunaıGazdyń» jáne oǵan qarasty uıymdardyń qyzmetkerleri de zardap shekken otbasylarǵa kómektesý úshin qarjylaı kómek jınap jatyr.
