«QazMunaıGazdyń» bes jylǵy shyǵynyn ońtaılandyrýdan 730 mlrd teńge únemdeledi
«Qaýipsizdik keńesiniń sońǵy otyrysynda jahandyq qaýiptiń aınalasyndaǵy jaǵdaı alańdatarlyq stsenarıımen órbip bara jatqanyn atap ótken edińiz. Biz qazirgi tańda álemdik qarjy naryqtary koronadaǵdarys saldaryn qanshalyqty aýyr ótkerip jatqanyn baqylap otyrmyz. Munaı baǵasy tym tómendep ketken jaǵdaılar da tirkeldi. Aktsııalardyń kotırovkasy da aıtarlyqtaı tómendep ketti. VR, Shell, Exxon Mobil qatarly munaı-gaz menedjerleriniń báriniń de tabysy tómendedi. Keıbiri tipti shyǵynǵa batty», - dedi Alık Aıdarbaev Elbasy Nursultan Nazarbaevtyń tóraǵalyǵymen ótken «Samuryq-Qazyna» keńesiniń otyrysynda.
Onyń aıtýynsha osyndaı jaǵdaıǵa jaýap retinde «QazMunaıGaz» kompanııasy birqatar shuǵyl shara qabyldaǵan.
«Birinshiden biz daǵdarysqa qarsy strategııa tujyrymdamasyn ázirledik. Ol bizdiń jumysymyzdyń negizgi úsh baǵytyn qamtıdy. Birinshisi – qarjy salasy. ıAǵnı «QazMunaıGazǵa» kelip jatqan qarjy aǵymyn arttyryp, qaryz júktemesin basqarý isine nazar aýdarylady. Ekinshisi – operatsııalyq jumystar. Shyǵynǵa batpaý úshin óndiristiń ońtaıly deńgeıine mańyz beriledi. Úshinshisi – daǵdarystan keıingi damý, aktıvter portfelin qaıta qurylymdaý. Bul daǵdarysty iske asyrýdyń alǵashqy qadamy retinde qurylymdy ońtaılandyryp, ortalyq apparattaǵy kadrlar sanyn qysqartý, sonymen qatar kompanııa basshylyǵynyń aılyǵyn azaıtý jumysy tańdaldy. Artynsha kompanııalar toby boıynsha shyǵyndarly qysqarta bastadyq. Osylaısha jalpy shyǵyndar 2020 jyl boıynsha 146 mlrd teńgege deıin qysqartyldy. Aldaǵy bes jylda osy izben 730 mlrd teńgeni únemdegimiz keledi. Bul jumys jalǵasady. Ońtaılandyratyn rezerv áli de bar degen oıdamyz», - dedi Alık Aıdarbaev.
«QazMunaıGaz» basshysy ońtaılandyrýdyń qaǵıdatyna jumys oryndaryn qysqartý da qosylatynyn aıtyp ótti.
