«QazMunaıGaz» JJM bólshek naryǵyna qatysty túsinikteme berdi
Bul týraly «Qazmunaıgaz - QM» AQ baspasóz qyzmeti habarlady.
Belgili bolǵandaı, búgingi kúni Qazaqstan Respýblıkasynda 3 negizgi MÓZ jumys isteıdi, olar jalpy jyl saıyn shamamen 1,9 mln. tonna AI-92 markaly benzın men 4 mln tonna dızel otynyn shyǵarady.
AI-92 markaly benzındi jyl saıynǵy tutyný 2,8 mln tonnany, al dızel otyny shamamen 4,6 mln tonnany quraıdy. Óndiris pen tutyný arasyndaǵy tapshylyq RF-dan munaı ónimderin jetkizý esebinen jabylǵan.
RF men QR arasynda jyl saıyn ındıkatıvtik teńgerimge qol qoıylady, ol Reseıden Qazaqstanǵa bajsyz ımporttalatyn otyn kólemin belgileıdi. Reseıde eksporttyq baj salynady. Munaı ónimderiniń ındıkatıvtik teńgeriminiń artýyna jol bermeý maqsatynda 2014 jyly aǵymdaǵy jylǵy maýsymnan bastap RF-dan munaı ónimderin jetkizý boıynsha jalǵyz operator bolyp «QazMunaıGaz Ónimderi» JShS (QMGÓ) aıqyndaldy.
2014 jylǵa arnalǵan ındıkatıvtik teńgerim 470 myń tonna dızel otynyn jáne 670,8 myń tonna AI-92 benzınin quraıdy, aǵymdaǵy jylǵy mamyrda Qazaqstanda josparlanǵan 263,8 tonnanyń ornyna 306,8 myń tonna AI-92 benzıni ákelindi. Memleket tarapynan shekteý bolmaǵanda, qazaqstandyqtar kúzde benzınge bajdy esepke alǵan baǵa boıynsha tóleýge májbúr bolar edi. Ústimizdegi jylǵy shildede RF-dan ımportqa tyıym salý aǵymdaǵy naryqtyq jaǵdaıǵa baılanysty oryn aldy.
Sonymen qatar, aǵymdaǵy jylǵy maýsymnan bastap RF-da munaı ónimderine baǵa kúrt ósip ketti. Kórsetilgen kezeńde RF FMQ Achınskıı MÓZ-daǵy (Krasnoıar ólkesindegi jalǵyz zaýyt) apatqa baılanysty RF-da ishki naryqta tapshylyqty boldyrmaý maqsatynda benzın eksporttaýǵa shekteý engizildi.
ıAǵnı naryqtyń jeke qatysýshysyna QR-daǵy AI-92 men dızel otynyna aǵymdaǵy bólshek baǵany eskerip, reseılik munaı ónimderin satyp alý ekonomıkalyq tıimsiz bolatyn jaǵdaı qalyptasty.
- Yqtımal teris ekonomıkalyq áserge qaramastan, QMGÓ ishki naryǵyn molyqtyrý maqsatynda aǵymdaǵy jylǵy maýsym-shildede QR-ǵa 27,3 tonna AI-92 men 40 myń tonna dızel otyny ákelindi. QMGÓ-ge jazbasha túrde jiberilgen, uıymdar men ýákiletti ákimdikter tólegen barlyq ótinimder 100 paıyzǵa qanaǵattandyryldy. - dep atap ótti «Qamunaıgaz» AQ bas dırektorynyń marketıng jónindegi orynbasary Erlan Qoıbaǵarov.
Іshki naryqta jaǵdaıdy turaqtandyrý úshin QMGÓ reseılik kompanııalarmen kólemderdi shyǵynǵa jazýǵa kelisimshart jasasýdy jalǵastyrýda. Sonymen, tamyzda 10 myń tonna AI-92 men 19 myń tonna dızel otynyn ákelýdi josparlaýda.
Bul rette munaı bazalary men QR MÓZ AI-92 qory óńir suranysyn 9-10 kúnge qamtamasyz etýge jetkilikti. QR MÓZ-den AI-92 benzınin táýlik saıyn tıeý 5,5-5,8 myń tonnany quraıdy, Qazaqstannyń JJM bólshek naryǵynda daǵdarys kútilmeıdi.
-Bólshek ótkizýge qatysty, búgingi kúni «QazMunaıGaz» AMS jelisi óńirlerde munaı ónimderin ótkizýge shekteýler engizbeıdi. Basqa naryq qatysýshylarynyń AMS-ǵa engizgen shekteýleri jaǵdaıynda QMG AMS-da munaı ónimderin satý kúrt óskeni baıqalady. Sonymen, QMG AMS-da AI-92 benzınin satý maýsymǵa qaraǵanda shildede 15 paıyzǵa ósti, al tamyzda maýsymǵa qaraǵanda, kórsetkish 27 paıyzǵa deıin joǵarylaǵan, - dep qosty E. Qoıbaǵarov.
Qosymsha QMG QR Energetıka mınıstrligimen birlesip munaı ónimderin ımporttyq jetkizý ekonomıkalyq tıimsiz bolǵan jaǵdaılarda QR ishki naryǵyn molyqtyrý maqsatynda 2014 jylǵy qyrkúıekte QR MÓZ-daǵy munaıdy qaıta óńdeýdi 90-100 myń tonnaǵa ulǵaıtý múmkindigin pysyqtaýda.
